Është nënshkruar memorandum bashkëpunimi për Lokalitetin Arkeologjik të Dresnikut, ndërmjet Ministrisë së Kulturës dhe Ambasadës së Shteteve të Bashkuara në Kosovë.

Me rastin e nënshkrimit, ministri i MKRS-së Hajrulla Çeku tha se ky lokalitet paraqet një pasuri me rëndësi të jashtëzakonshme kombëtare dhe ndërkombëtare, si lokalitet shumë shtresor me vlera historike, shkencore dhe kulturore.

Ndërkaq, ambasadori Jeffrey Hovenier potencoi se është i kënaqur që sot ka nënshkruar këtë projekt me Ministrinë e Kulturës, Rinisë dhe Sportit.

“Jam entuziast të ndaj me ju sot se fondi i ambasadorit për ruajtjen e trashëgimisë kulturore të departamentit të shtetit për çështje arsimore dhe kulturore është i përkushtuar ta mbështesë këtë lokacion”, tha Hovenier.