Lajm i trishtë për futbollin kosovar dhe komunitetin e gazetarisë. Klubi i futbollit Drita ka njoftuar ndarjen e hershme nga jeta të zëdhënëses së tyre, Elife Sherifi.

Elifja shërbeu me përkushtim të pashoq në krye të zyrës për media të klubit gjilanas për më shumë se gjashtë vite, duke qenë një urë lidhëse profesionale mes klubit dhe publikut. Para se të merrte detyrën zyrtare, ajo njihej si një adhuruese e flaktë e ngjyrave "bardhekaltër", dashuri të cilën e jetësoi përmes punës dhe angazhimit të saj ditor.

Përmes një komunikate zyrtare, FC Drita ka shprehur ngushëllimet më të sinqerta për familjen Sherifi dhe miqtë e saj, duke vlerësuar lart kontributin e saj si një profesioniste e shquar që la gjurmë të pashlyeshme në organizimin e klubit. Bashkëpunimi i saj me kolegët gazetarë dhe afërsia me ambientin sportiv do të mbeten gjatë në kujtesën e të gjithëve.

KosovaPress