Projekti NaturKosovo synon rritjen e turizmit në Kosovë, përmes zgjerimit të rrugës malore të Via Dinarica, e cila përshkon qytetin brenda Parkut Kombëtar të Bjeshkëve të Nemuna dhe territorit të Komunave të Pejës, Deçanit dhe Junikut. Konsolidimi i sistemit të kërkim-shpëtimit malor është një kusht themelor për sistemimin e një atraksioni turistik si ky shteg, që për më shumë se 100 km kalon dhe lidh luginat dhe majat e Alpeve Dinarike në Kosovë. Vizitorët në këtë rajon, alpinistët, këmbësorët do të jenë më të sigurt dhe kjo siguri do të rritet falë forcimit të shërbimit të kërkim-shpëtimit në mal.
Moduli i krijuar ditët e fundit kishte për qëllim kryesisht vlerësimin e kapacitetit të trajtimit në terren me dëborë për rreth 50 pjesëmarrësish, që vijnë nga nga organizata të ndryshme të angazhuara në fushën e ecjes dhe me nivele të ndryshme. Pjesëmarrësit kryen një sërë testesh dhe ushtrimesh, të cilat lejuan instruktorët e CNSAS të deleguar me ligj për të mbuluar këtë shërbim themelor në Itali - të kenë një ide të thellë të nivelit të përgatitjes mesatare dhe njohjes me teknikat dhe mënyrat e shpëtimit në kushtet e dimrit.
Ky moment vlerësimi/trajnimi, së bashku me modulin e ardhshëm të verës, do të përcaktojnë përzgjedhjen e një grupi më të vogël operatorësh që do të vazhdojnë në muajt e ardhshëm me nivele gjithnjë e më teknike dhe të avancuara trajnimi.
Aktiviteti u realizua në koordinim me Shërbimin e Kërkim-Shpëtimit Malor Kosova dhe Shoqatën për Kërkim Shpëtimi Malor të Pejës dhe me përfshirjen e disa shoqatave lokale alpiniste.
Për më tepër, për suksesin e modulit, kryesor ka qenë kontributi i Komandës Rajonale të KFOR-it në Perëndim aktualisht i përbërë nga Regjimenti i 9-të Alpin i Brigadës Taurinense, të cilët jo vetëm që ishin në dispozicion me pajisje të ndryshme, por mbi të gjitha kontribuan me ekspertizën dhe përvojën e dy instruktorëve të alpinizmit dhe një vëzhguesi të “Meteomont”.
