Nagavci: Ia ofruam 30 nënshkrime Vjosa Osmanit, ajo i refuzoi
2-Second
Lexohet për: 4 min.
Dëgjoje me zë...
Nagavci: Ia ofruam 30 nënshkrime Vjosa Osmanit, ajo i refuzoi
Shefja e Grupit Parlamentar të Lëvizjes Vetëvendosje, Arbërie Nagavci, ka bërë të ditur se presidentja Vjosa Osmani ka refuzuar 30 nënshkrimet e ofruara nga LVV për kandidimin e saj për presidente të Republikës së Kosovës.
Në konferencë për media, shefja e Grupit Parlamentar të LVV-së, Nagavci, ka theksuar se në mungesë të një kandidati konsensual, secili subjekt politik duhet të propozojë kandidatin e vet për të përmbushur obligimin kushtetues dhe për të mundësuar një garë të rregullt.
“Si Lëvizje edhe presidentes Vjosa Osmani i ofruam nënshkrime për kandidaturën e saj edhe pse nga ajo që e dimë asnjë subjekt tjetër politik deri më tani nuk e ka bërë një gjë të tillë dhe kemi pas edhe deklarata të subjekteve politike në këtë rast të PDK për mosmbështetje të zonjës Osmani. Meqenëse Osmani nuk ka pranuar këtë ofertë tani duke marr parasysh edhe dinamikat aktuale edhe kohën shkurtë deri nesër në ora 24:00 për të zgjedhur presidente, por edhe numrat e subjekteve tjera politike pra që nuk kanë numrin e mjaftueshëm të deputetëve për të siguruar 30 nënshkrime për të përmbushur kushtin për nominimin e kandidatit për president. Ne si LVV kemi qenë të gatshëm vazhdojmë të jemi të gatshëm të ofrojmë nënshkrimet e deputeteve tanë edhe për subjektet tjera parlamentare për të ofruar kandidatutarat potenciale. Për shembull ne mund të japim 10 nënshkrime të cilat janë të nevojshme për PDK-në që të kandidojë, të nominojë një kandidat për president, dhe në të njëjtën kohë mund të ofrojmë edhe 20 nënshkrime të deputeteve tanë për të nominuar një kandidat për president. Këtë jemi të gatshëm të bëjmë në mënyrë që të kemi institucione funksionale të mos përsërisim edhe sivjet situatën e vitit 2025, ku u detyruam të shkojmë në zgjedhje të përsëritura, të kushtueshme dhe të panevojshme”, ka shtuar Nagavci.
LVV ka shpallur mbështetjen për nënkryetarin e Lëvizjes, zëvendëskryeministrin e parë dhe ministrin e Punëve të Jashtme dhe Diasporës, Glauk Konjufca, Nagavci e cilësoi si një nga figurat më të votuara dhe me mbështetje të gjerë qytetare.
“Në mungesë të një kandidati konsensual, rruga tjetër ka qenë që secili subjekt politik të propozojë nga një kandidat në përmbushje edhe të obligimit Kushtetues. Si LVV sonte kemi deklaruar mbështetjen tonë për nënkryetarin e Lëvizjes, zëvendëskryeministrin e parë, dhe ministrin e punëve të Jashtme të Diasporës, Glauk Konjufca, njeriun e dytë më të votuar në historinë e vendit, dhe një figurë e cila gëzon mbështetje të plotë qytetare, dhe po ashtu që ka një mbështetje të mqadhe edhe te Grupi jonë Parlamentar, tek Lëvizja, por mbi të gjitha një mbështetje të madhe qytetare. Kandidati që gëzon mbështetjen më të madhe për të siguruar votat në Kuvend. Konjufca edhe si kryetar i kuvendit, ka qenë autoriteti kryesor, unifikues i unitetit politik. Ne e kemi kandidatin tonë, dhe tani presim edhe nga subjektet tjera politike, nga PDK dhe LDK që të paraqesin kandidaturat e tyre në mënyrë që të përmbushin kriterin kushtetues për të paktën dy kandidat të cilët do të garojnë për pozitën e presidentit”, ka deklaruar Nagavci.
Nagavci ka shtuar se edhe kryeministri, Albin Kurti po punon intensivisht për të tejkaluar këtë proces.
“Ndërkohë edhe kryeministri po punon intensivisht për të tejkaluar këtë proces në mënyrë që të funksionalizojmë dhe të përfundojmë, përmbyllim suksesshëm zgjedhjen e presidentit dhe të shmangim zgjedhjet e reja”, ka nënvizuar Nagavci.
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
