Kuvendi Komunal i Mitrovicës së Veriut i ka bërë ftesë komandantit të stacionit policor në Mitrovicë të Veriut, Rexhep Kastrati, që të raportojë për situatën e sigurisë në këtë komunë. Megjithatë, mosprezenca e tij në këtë seancë ka nxitur debat të ashpër mes përfaqësuesve politikë lokalë, të cilët kanë shprehur qëndrime të kundërta për obligimet ligjore dhe bashkëpunimin institucional.

Kryesuesi i Kuvendit Komunal, Ivan Zaporozaq, tha se ftesa për komandantin ishte bërë në përputhje me ligjin, por përgjigjja e tij ishte negative.

Ai shtoi se kjo situatë është në kundërshtim me normat ligjore, e as me sjelljen profesionale.

Edhe kryetari i komunës, Milan Radojeviq, e kritikoi mungesën e komandantit, duke theksuar rëndësinë e transparencës.

Ai ngriti edhe çështjen e standardeve të dyfishta në raportim.

Ndërkohë, asamblistja e Lëvizjes Vetëvendosje, Aida Doli-Ferati, sugjeroi një zgjidhje institucionale për tejkalimin e situatës.

Nga opozita serbe pati akuza të ashpra ndaj policisë. Marko Jakshiq nga Iniciativa Qytetare Serbe deklaroi

Në anën tjetër, asamblisti i Partisë Demokratike të Kosovës, Emir Azemi, vuri në pikëpyetje bazën ligjore të kërkesës për raportim, duke kërkuar sqarim konkret mbi obligimet e komandantit të policisë.

Aida Doli-Ferati, iu kundërpërgjigj akuzave për “shtet policor”, duke theksuar se në Mitrovicën e Veriut ekziston liria e protestës.

Nga ana tjetër, asamblisti i Demokracisë Serbe, Ivan Orloviq, akuzoi policinë për ushtrim represioni dhe trajtim të pabarabartë ndaj qytetarëve joshqiptarë.

KosovaPress ka kontaktuar edhe komandantin e stacionit të policisë në Mitrovicë të Veriut, Rexhep Kastrati, për të marrë një qëndrim lidhur me mospranimin e ftesës.

“I kemi kërkuar që, kur të formojnë Këshillin Komunal për Siguri në Bashkësi, ne marrim pjesë në ato takime. Përndryshe, kështu para asamblistëve jo”, tha Kastrati për KosovaPress.

/Kosovapress/