Ministria e Shëndetësisë ka bërë të ditur se sot përfundon vendimi për kufizimin e orarit të punës për disa kategori shoqërore për shkak të temperaturave të larta.

Një njoftimin e Ministrisë së Shëndetësisë, thuhet se ky vendim është marrë pas konsultimeve me Institutin Kombëtar të Shëndetësisë Publike dhe Institutin Hidrometeorologjik

“Pas konsultimeve me Institutin Kombëtar të Shëndetësisë Publike dhe Institutin Hidrometeorologjik, Ministria e Shëndetësisë njofton se vendimi për kufizimin e orarit të punës për disa kategori shoqërore për shkak të temperaturave të larta përfundon sot, më 20 korrik 2024. Sipas parashikimeve, java e ardhshme do të karakterizohet nga temperatura që nuk paraqesin rrezik për kategoritë e cenueshme të shoqërisë”, thuhet në njoftimin e MSH-së.

Ministria e Shëndetësisë do të vazhdojë të monitorojë situatën klimatike dhe të bashkëpunojë me institucionet përkatëse për të siguruar mbrojtjen e shëndetit të qytetarëve.

https://kosovapress.com/temperaturat-e-larta-ne-kosove-ministria-e-shendetesise-merr-kete-vendim

https://kosovapress.com/disa-biznese-injorojne-vendimin-per-kufizim-te-orarit-te-punes-ja-sa-gjoba-u-dhane-per-nje-dite