Në shënim të Dita Ndërkombëtare për Ndërgjegjësim ndaj Autizmit, Komuna e Mitrovicës ka marrë vendim për ndarjen e nga 50 eurove për fëmijët me autizëm.

Kryetari i Komunës së Mitrovicës, Faton Peci ka bërë të ditur se ky vendim përfaqëson një demonstrim të vullnetit të mirë dhe përkujdesit institucional ndaj kësaj kategorie, duke theksuar se është gjithashtu një zotim për mbështetje edhe në forma të tjera në të ardhmen.

Në fund, ai ka theksuar se një shoqëri e zhvilluar duhet të kujdeset për të gjitha kategoritë e saj, duke nënvizuar rëndësinë e përfshirjes dhe mbështetjes sociale.