Mitrovica e Veriut i bashkohet Asociacionit të Komunave të Kosovës
Lexohet për: 1 min.
1 vit më parë
Linku u kopjua
Mitrovica e Veriut i është bashkuar Asociacionit të Komunave të Kosovës. Këtë e ka konfirmuar sot asamblistja e Lëvizjes Vetëvendosje, Aida Doli.
Ajo ka shkruar se sot në Kuvendit Komunal është votuar pro këtij vendimi dhe se bashkëpunimi dhe bashkërendimi i komunave janë thelbësore për të adresuar sfidat, raporton KosovaPress.
“Sot, në Kuvendin Komunal, në Veriun e Mitrovicës, u votua pro bashkimit të Komunës Veriore të Mitrovicës në Asociacionin e Komunave të Kosovës. Kjo votë tregon përkushtimin dhe mbështetjen për bashkëpunimin e fortë dhe përforcimin e qeverisjes lokale. Bashkëpunimi dhe bashkërendimi i komunave janë thelbësore për të adresuar sfidat dhe për të ndërtuar një shoqëri më të bashkuar dhe më të qëndrueshme për të gjithë”, ka shkruar ajo.
Në zgjedhjet e jashtëzakonshme të mbajtura me 23 prill, Erden Atiq nga Lëvizja Vetëvendosje është zgjedhur kryetar i Mitrovicës së Veriut./KosovaPress/
