Ministria e Shëndetësisë së Kosovës ka përfituar 10,063,676.00 dollarë amerikanë nga raundi i tretë i financimit të Pandemic Fund, në kuadër të projektit MAKE READY.

Në njoftimin e bërë publik, ministri i Shëndetësisë, Arben Vitia, ka theksuar se ky  projekt do të ndihmojë në përmirësimin e identifikimit të hershëm të rreziqeve shëndetësore, reagim më të shpejtë ndaj emergjencave, forcimin e sistemeve laboratorike dhe menaxhimin më efikas të emergjencave të shëndetit publik

Ministria e Shëndetësisë ka shprehur mirënjohje ndaj Pandemic Fund dhe partnerëve ndërkombëtarë për mbështetjen e vazhdueshme në forcimin e sistemit shëndetësor të Republikës së Kosovës.