Milani ka një kërkesë për Villarrealin sa i përket Gabbias
Milani po punon për ta rikthyer mbrojtësin, Matteo Gabbia nga huazimi i tij te Villarreali këtë janar, për t’i mbuluar hapësirat e mbetura në skuadër.
“Rossonerët” i ka kapluar një krizë e lëndimeve, veçanërisht në repartin defansiv, raporton KosovaPress.
Pierre Kalulu, Simon Kjaer, Mattia Caldara, Malick Thiaw dhe Marco Pellegrino nuk janë të gatshëm, dhe janë jashtë aksionit për Milanin.
Idealja për Stefano Piolin do të ishte të merrte ish-mbrojtësin e Spezias, Jakub Kiwior në huazim nga Arsenali, por që ky i fundit po refuzon ta shqyrtojë këtë opsion.
Sugjerohet nga lajmet e fundit në Itali dhe Spanjë që alternativa më e lirë do të ishte rikthimi i Matteo Gabbias më herët nga huazimi i tij për tërë sezonin te Villarreali.
Gabbia iu bashkua Villarrealit në korrik të vitit 2023 dhe është produkt i akademisë së Milanit.
Deri tani në këtë sezon, Gabbia ka arritur të bëjë 11 paraqitje për Villarrealin në Ligën e Evropës dhe La Liga.
