Edoardo Bove (22), mesfushori i Fiorentinës, u rrëzua në fushë për arsye ende të panjohura dhe të gjithë lojtarët shpërthyen në lot, duke e rrethuar për ta mbrojtur nga kamerat gjatë ndërhyrjes mjekësore.

Ndeshja mes Fiorentinës dhe Interit në xhiron e 14-të të Serie A është pezulluar, pasi Bove u shemb pa ndjenja në fushë.

Disa futbollistë të Interit kanë reaguar menjëherë dhe kanë kërkuar mjekun të futet sa më shpejt në fushë.

Pas kësaj, Bove u dërgua me një ambulancë. Sipas informacioneve të para nga mediat italiane, Bove ndodhet jashtë rrezikut.

Bove këtë sezon bëri 11 paraqitje. Sipas Transfermarkt, ai kap vlerën e 14 milionë eurove dhe spekulohet se Fiorentina mund ta blejë për 10.5 milionë euro në fund të huazimit nga Roma, për të cilën ka paguar 1.5 milionë euro.