Benjamin Mendy u përpoq të përdhunonte një grua dhe përdhunoi një tjetër në shtëpinë e tij në Cheshire, pasi u mburr se "kishte bërë seks me 10,000 gra”.

Mendy, lojtar i Manchester Cityt, akuzohet se ka sulmuar një grua pasi ajo ka fjetur me shokun e tij, ndërsa një grua tjetër dyshohet se është sulmuar gjatë një feste në rezidencën e tij, raporton KosovaPress.

Reprezentuesi francez, 28 vjeç, po përballet me një rigjykim pasi u lirua në janar për një sërë sulmesh seksuale. Ai u shpall i pafajshëm për gjashtë përdhunime dhe një sulm seksual ndaj katër grave.

Por juria në gjyqin e mëparshëm nuk mundi të merrte vendime për dy akuzat e pazgjidhura me të cilat ai ende përballet.

Benjamin Aina KC, prokuror, përshkroi çështjen kundër Mendyt para një jurie në Chester Crown Court.

Ai i tha jurisë se futbollisti kishte festa dhe tubime shoqërore në shtëpinë e tij – “The Spinney”, në Mottram St Andrew, në Cheshire, ku në dy raste ai përfitoi nga dy të ftuara femra, duke tentuar të kryejë seks të detyruar me njërën dhe duke rrëmbyer tjetrën.

Gjatë kohës sa Mendy kishte tentuar ta përdhunonte njërën prej femrave në fjalë, kur ajo kishte rezistuar, mbrojtësi francez i kishte thënë se ajo ishte shumë e turpshme, duke shtuar: “Është mirë, kam bërë seks me 10 mijë femra”.