Menaxhimi me Ibër-Lepenc, përplasen Hajdari dhe Beqa
Lexohet për: 1 min.
1 vit më parë
Linku u kopjua
Në seancën e sotme plenare kanë vazhduar përplasjet në mes të ministres së Industrisë, Ndërmarrësisë dhe Tregtisë, Rozeta Hajdari dhe deputetëve të Partisë Demokratike të Kosovës.
Hajdari ka replikuar me deputetin Hajdar Beqa duke i thënë se Qeveria Kurti ka arritur ta ndalë keqpërdorimin në ministri.
“Sa herë që ju po flisni dhe po na sulmoni veç po na rrisni besimin publik për qeverisjen tonë, me gjasë këtë mllef që e keni kaq shumë në mua dhe kryeministrin Kurti, ne vërtetë diçka po bëjmë mirë për popullin tonë", tha Hajdari.
Ndërsa deputeti Hajdar Beqa, u shpreh se në kohën sa ai ka udhëhequr me Iber-Lepecin asnjëherë nuk ka pasur shkelje.
"Në Iber-Lepenc e kam menaxhuar mirë dhe për 5 vite nuk kam pas asnjë ankesë, asnjë shkelje krejt auditimet kanë dal mirë”, tha ai.
