Policia Rrugore e Tiranës njoftoi se bllokoi automjetin “Lamborghini” pasi qarkulloi me shpejtësi 305 km/h, në tunelin e Kalimashit.

Policia Rrugore e Tiranës identifikoi dhe e shoqëroi në Komisariatin Rajonal të Policisë Rrugore Tiranë, drejtuesin e automjetit shtetasi A. V.

Pas publikimit në rrjetet sociale të një videoje në të cilën shfaqej një automjet që qarkullonte me shpejtësi 305 km/h, Policia Rrugore e Tiranës ka intensifikuar punën për identifikimin e automjetit dhe të drejtuesit të tij.

Në bazë të pamjeve filmike të siguruara, është identifikuar dhe ndaluar automjeti tip “Lamborghini” me drejtues shtetasin A. V., të cilin e Policia e ka shoqëruar në Komisariat.

Ndaj drejtuesit të automjetit u mor masë administrative 100 000 lekë të rinj.

Policia Rrugore e Tiranës apeloi për drejtuesit e automjeteve që të zbatojnë me rigorozitet rregullat e qarkullimit rrugor dhe apelon gjithashtu për ndalimin e publikimeve që kanë karakter joedukativ për sigurinë rrugore.

/atsh