Me pankartën e targave ilegale, në Rusi brohorasin “Kosova është zemra e Serbisë” (Video) • KosovaPress

Biznes

Intervista

“Perëndimi mund ta detyrojë Vuçiqin që ta dorëzojë Radoiçiqin”, Kurti: Serbia më s’mund ta destabilizojë Kosovën nga brenda

Lajme

Osmani për vdekjen e ish-presidentit të SHBA-së: Frymëzoi breza liderësh në mbarë botën

Rajoni

“Vuçiq nuk ka asnjë kompetencë për autonominë e Vojvodinës”

Me pankartën e targave ilegale, në Rusi brohorasin “Kosova është zemra e Serbisë” (Video)

Lexohet për: 2 min.

2 vite më parë

Linku u kopjua

Një video që po qarkullon në rrjetin social Twitter, e që është realizuar në Rusi, tregon edhe njëherë se bashkëpunimi ruso-serb është më shumë sesa i marrëdhënieve të shkëlqyeshme diplomatike.

Disa të rinj, me pankartën e targave ilegale të Mitrovicës “KM”, e cila u përdor si ngjitës ditët e fundit në komunat veriore, kanë realizuar një video. Në këtë video, gjersa mbajnë pankartën në duar, ata brohorasin “Kosova është zemra e Serbisë”.

Ngjitësi, i cili u shndërrua në pankartë në Rusi, është disenjuar nga serbët e Kosovës, të cilët kundërshtojnë implementimin e unifikimit të targave të Republikës së Kosovës.

Përveç marrëdhënieve të mira në mes të Moskës zyrtare dhe Beogradit zyrtar, ndikimi rus është rritur ndjeshëm edhe në komunat veriore të Republikës së Kosovës.

Rusia ia ka dhënë përkrahjen Listës Serbe në Kosovë, që nga viti 2017, kur këtë e deklaroi Sergey Zelezniak në takim me kryetarin e Listës Serbe, Goran Rakiq. Atëherë, Rakiq e kishte ftuar Zelezniak-un, përfaqësuesin e partisë së Putinit “Rusia e Bashkuar” që t’i vizitonte serbët e Kosovës.

https://twitter.com/samo_mama2/status/1556362902290026496?fbclid=IwAR2apqPTG-Yj1nZp3cILECIa7-3yMgzJzR3OmmRxh4d_iCO821cPhbe9qog

Serbia

Klikoni këtu nëse dëshironi t'i lexoni lajmet e fundit dhe të përzgjedhura në kanalin tonë zyrtar në Viber.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.

Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.