Pjesa e parë e përballjes mes Atletico Madrid dhe Club Brugge KV në kuadër të UEFA Champions League u mbyll në barazim 1:1, pas një 45-minutëshi dinamik dhe me raste të shumta për shënim.

Atletico kaloi në epërsi në minutën e 23-të, kur Alexander Sorloth realizoi me një goditje të ulët nga jashtë zonës, por reagimi i belgëve ishte i shpejtë.

Në minutën e 36-të, pas një goditjeje nga këndi, Joel Ordonez shënoi me kokë për Club Brugge, duke barazuar rezultatin.

Të dyja skuadrat krijuan raste të rrezikshme, me Hugo Vetlesen dhe Christos Tzolis që testuan disa herë Jan Oblakun, i cili u dallua me pritje vendimtare.

Atletico pati edhe një moment tensioni në zonë, por pas rishikimit me VAR, arbitri Clement Turpin vendosi të mos akordojë penallti. Pjesa e parë u mbyll pas një minute shtesë, me gjithçka ende të hapur për 45 minutat e dyta.

KosovaPress