Portugalia ka mbyllur pjesën e parë me epërsi të thellë 3-0 ndaj Uzbekistanit në ndeshjen e Grupit K të Botërorit 2026.

Cristiano Ronaldo hapi serinë e golave në minutën e 6-të, kur shfrytëzoi një asistim të Joao Cancelos për të kaluar portugezët në avantazh.

Në minutën e 17-të, Nuno Mendes dyfishoi rezultatin me një supergol nga goditja e lirë. Edhe pse të gjithë prisnin që faullin ta ekzekutonte Ronaldo, kapiteni portugez ia la topin bashkëlojtarit të tij, i cili e dërgoi topin në rrjetë me një goditje spektakolare.

Uzbekistani mendoi se ishte rikthyer në lojë në minutën e 29-të me një gol të bukur të Azizjon Ganiev për 2-1, por pas rishikimit në VAR, goli u anulua për shkak të një faulli në ndërtimin e aksionit.

Vetëm pak minuta më vonë, Ronaldo goditi sërish. Në minutën e 39-të, ai shfrytëzoi një asistim të Bruno Fernandes dhe realizoi për 3-0, duke kompletuar dopietën personale.

Portugalia dominoi pjesën e parë, ndërsa Ronaldo vazhdoi të shkruajë histori, pasi më herët u bë lojtari i parë që shënon në gjashtë edicione të ndryshme të Kupës së Botës.

KosovaPress