Ka përfunduar pjesa e parë e ndeshjes dramatike të Grupit E, ku Gjermania ka krijuar një epërsi komode prej 3:1 ndaj debutuesve të Curaçao-s, falë një përmbysjeje të shpejtë në minutat shtesë.

Gjermanët nisën takimin me mjaft autoritet, duke zhbllokuar shifrat që në minutën e 6-të përmes një goditjeje të bukur vollej nga Felix Nmecha.

Megjithatë, Curaçao befasoi të gjithë duke barazuar përkohësisht në minutën e 21-të me anë të Livano Comenencia. Gjermania riktheu avantazhin në minutën e 38-të me një goditje të saktë me kokë nga Nico Schlotterbeck, por goditjen përfundimtare për këtë pjesë e dha në sekondat e fundit.

Në minutën e 45+3', Riechedly Bazoer i Curaçao-s shkaktoi një faull të rëndë brenda zonës, duke bërë që referi kryesor Jalal Jayed të akordonte menjëherë penallti për gjermanët. Përgjegjësinë mbi supe e mori sulmuesi Kai Havertz, i cili u tregua i gjakftohtë në minutën e 45+5' duke e dërguar topin me mjeshtëri në këndin e poshtëm të majtë, të pashpresë për portierin Eloy Room.

Menjëherë pas këtij goli, skuadrat shkuan në dhomat e zhveshjes me rezultatin 3:1 në favor të Gjermanisë.

KosovaPress