Në orën 19:00 janë mbyllur qendrat e votimit në katër komunat në veri të Kosovës ku sot qytetarët votuan pro ose kundër shkarkimit të kryetarëve shqiptarë.

KQZ më herët ka bërë të ditur se procesi i votimit ka qenë kryesisht i qetë dhe i rregullt, ndërsa numri i votuesve ka qenë tejet i ulët pasi pak ditë para votimit, Lista Serbe ftoi për bojkot me arsyetimin se listat e votuesve “janë të vjetruara”.

Votimet në veri u mbajtën pasi Komisioni Qendror i Zgjedhjeve verifikoi nënshkrimet e qytetarëve në peticionet e mbledhura nga mesi i muajit janar.

Konferenca e radhës e KQZ-së do të mbahet në ora 19:30 dhe ajo ka të bëjë me procesin e votimit në tërësi.