“Mbrojtja e trashëgimisë kulturore, nevojitet edukimi i gjeneratave të reja” • KosovaPress

Biznes

Intervista

Gashi i Avonet: Rënia e serverit të KQZ-së e cenoi votën e qytetarëve

Lajme

Numërohen mbi 99%, këto janë votat e partive politike

Rajoni

Akuzat e SPAK, reagon Veliaj: Unë dhe familja ime nuk kemi lidhje me fjalën korrupsion

“Mbrojtja e trashëgimisë kulturore, nevojitet edukimi i gjeneratave të reja”

Lexohet për: 4 min.

2 vite më parë

Linku u kopjua

Këshilli i Kosovës për Trashëgimi Kulturore ka mbajtur konferencën vjetore me temën: “Aspekte dhe sfida të edukimit në trashëgimi kulturore”. Mbrojtja dhe vlerësimi i trashëgimisë kulturore, u tha se është e domosdoshme. Po ashtu, është vlerësuar se kjo mund të bëhet përmes edukimit të gjeneratave të reja.

Zëvendës-udhëheqësi ekzekutiv i Këshillit të Kosovës për Trashëgimi Kulturore, Kreshnik Bajraktari tha se gjendja e trashëgimisë kulturore është jo e kënaqshme dhe për këtë duhet të bëhet edukimi i gjeneratave të reja.

“Pasojat e gjendjes së trashëgimisë kulturore, gjendjes jo të kënaqshme, e kemi parë të arsyeshme që të shqyrtojmë çështjen e arsimit dhe sfidat e edukimit në trashëgiminë kulturore. Në mesin e këtyre çështjeve që duhet adresuar duhet bërë përpjekje që të preket që në rrënjë me një qasje gjithëpërfshirëse, çështjen e edukimit. Kjo duke e ditur që mënyra më e sigurt dhe më afatgjatë e ruajtjes, mbrojtjes dhe vlerësimit të trashëgimisë kulturore është përmes edukimit të gjeneratave të reja. Pra, konceptimit të bazuar qysh në moshë të hershme përmes formave të përshtatshme për shpjegimet të kuptueshme dhe të thjeshtëzuara, që mundësojnë nxënien e këtyre koncepteve”, ka thënë ai.

Edhe kryetarja e bordit të Këshillit të Kosovës për Trashëgimi Kulturore, Zanita Halimi tha se është e domosdoshme që të rritet vetëdija për ruajtjen e trashëgimisë kulturore.

Halimi: Rëndësia e edukimit për trashëgiminë kulturore është e padiskutueshme
(Video) 05:05’...

"Njeriu ka arritur shumë që në fillet e tij dhe do të ishte për të ardhur keq që të humbasim këto arritje, si në arkitekturë, art, histori. E vetmja mënyrë për të shpëtuar këto arritje është transmetimi i njohurive që zotërojmë, duke edukuar të rinjtë që në mënyrë që edhe ata të japin frytet e arritjeve të paraardhësve të tyre. Rëndësia e edukimit për trashëgiminë kulturore është e padiskutueshme. Kështu që përpjekjet për ta ruajtur trashëgiminë kulturore dhe për ta rritur vetëdijesimin, janë përshpejtuar gjithkund në botë viteve të fundit. Është e rëndësishme që të rritet vetëdijesimi i të rinjve për trashëgiminë kulturore, që të lejojmë ata të njohin vetën e tyre, kulturën, kulturat tjera dhe transmetimin e kulturës nga një brez në tjetrin, duke ruajtur elementet e trashëgimisë kulturore”, ka shtuar ajo.

Këshilltarja e ministrit të Kulturës, Nora Arapi tha se gjatë këtij viti kanë zhvilluar dy programe dhe kanë ndërmarrë masa emergjente me qëllim të mbrojtjes se trashëgimisë kulturore.

"Në fushën e mbrojtjes së trashëgimisë kulturore kemi ndërmarrë programe dhe veprime të ndryshme me fokus të veçantë në përmirësimin e gjendjes fizike të aseteve të trashëgimisë kulturore, qoftë përmes masave emergjente apo qoftë përmes programeve të restaurimit. Gjithashtu kemi vazhduar me konsolidimin e bazës sekondare ligjore përmes plotësimit dhe aprovimit të rregullativave që të synojmë për një mbrojtje më efikase dhe në përputhje me standardet ndërkombëtare. Gjatë këtij procesi kemi qenë në bashkëpunim me Këshillin e Kosovës për Trashëgimi Kulturore. Jemi më shumë se të vetëdijshëm që vetëm mbrojtja ligjore dhe ndërhyrjet fizike, të vetme nuk mjaftojnë. Edukimi, vetëdijesimi dhe promovimi i vlerave të trashëgimisë kulturore, sigurimi i identitetit për zhvillim të qëndrueshëm është jetik. Jemi të vetëdijshëm që këtu qëndrojmë më keq, rezultatet nuk janë ato që kanë qenë të pritshme", ka shtuar Arapi.

Ajo ka theksuar se për edukimin dhe integrimin e arteve dhe trashëgimisë në shkolla, gjatë këtij viti janë zhvilluar dy programe “Arti në shkolla” dhe “Sporti në shkolla”.

Trashegimia kulturore

Klikoni këtu nëse dëshironi t'i lexoni lajmet e fundit dhe të përzgjedhura në kanalin tonë zyrtar në Viber.

Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.

Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.