Në kuadër të Ditës Ndërkombëtare për Mbrojtjen e të Dhënave, Lëvizja FOL ka organizuar Forumin “FOL Hapur”  një diskutim me komisionaren për Informim dhe Privatësi, Krenare Sogojeva Dermaku.

Temë diskutimi ishin shkelja e privatësisë nga faturat e hapura, të dhënat personale dhe mbrojtja e tyre e sektorin shëndetësor dhe atë arsimor, si dhe mbrojtja e të dhënave, media dhe interesi publik.

Dermaku tha se niveli i ndërgjegjësimit dhe mbrojtja e të dhënave në Kosovë ende është në nivel jo të kënaqshëm. Në gjashtëmujorin e parë 2021 ishin vetëm 31 ankesa, ndërsa tani ka 300 ankesa.

Dermaku ka kërkuar që faturat e ndryshme për pagesa që dërgohen te qytetarët të mos jenë të hapura dhe të mos të lihen para derës, pasi me këtë shkelet privatësia e tyre.

Ndërsa për të dhënat personale në sektorin shëndetësor ajo theksoi se nga QKUK dhe spitalet private duke përfshirë laboratorin, ordinancat të ndryshme janë pak të ndërgjegjësuara për mbrojtjen e të dhënave personale.

Po ashtu për të dhënat personale në arsimim, ajo tregoi se agjencia ka mbajtur një trajnim me një kurikulë të gjerë, duke filluar nga mënyra se si mblidhen të dhënat në formë fizike kur bëhen kontrata si në institucione parashkollore, deri te publikimi i fotografive në rrjete sociale.

Ajo bëri thirrje që qytetarët të kenë kujdes dhe t’i ruajnë të dhënat e tyre personale për shkak se me këtë shkelet privatësia e tyre./A. Shala / 

Lajmi i plotë në sistemin me parapagim.