Kylian Mbappé është rikthyer zyrtarisht në skuadrën e Real Madridit për ndeshjen e sotme kundër Real Oviedo, pas një periudhe qëndrimi jashtë fushave për shkak të lëndimit.

Ylli francez ka shprehur dëshirën për t’u aktivizuar në ndeshjet e fundit të sezonit me "Los Blancos" për të arritur formën optimale përpara fillimit të Kampionatit Botëror.

Rikthimi i tij vjen si një lajm pozitiv për trajnerin Álvaro Arbeloa, në një javë të vështirë ku humbja në "El Clásico" kundër Barcelonës konfirmoi humbjen e titullit kampion.

Ndonëse Real Madridi nuk është më në garë për titull, prania e Mbappé kundër Oviedos—skuadër që tashmë ka rënë nga liga—shihet si një mundësi e mirë për ekipin që të rikthehet te fitorja në Bernabéu.

Madridi ka një ecuri pozitive në shtëpi, ku nuk njeh humbje në katër ndeshjet e fundit (3 fitore, 1 barazim), dhe synon të sigurojë matematikisht vendin e dytë në tabelë.

Mbappé, së bashku me lojtarët e tjerë si Federico Valverde dhe Arda Güler, ishin mungesa të rëndësishme që i kushtuan ekipit në javët e fundit, por rikthimi i sulmuesit francez pritet të rrisë forcën offensive të madrilenëve.

KosovaPress