RCD Mallorca ka pësuar një rënie shokuese nga elita e futbollit spanjoll, përkundër fitores bindëse 3-0 ndaj Real Oviedo në xhiron e fundit.

Përkundër grumbullimit të 42 pikëve—shifra më e lartë për një skuadër që bie nga liga që prej vitit 2011—Mallorca u rendit në vendin e 18-të, duke humbur mbijetesën për shkak të rregullit të ndeshjeve direkte me Osasuna-n dhe Levante-n.

Në këtë sfidë dramatike, sulmuesi kosovar Vedat Muriqi vulosi fitoren me golin e tij në minutën e 88-të, duke mbyllur një sezon mbresëlënës personal me 23 gola në La Liga. Megjithatë, ky rekord golash i "Piratit" nuk mjaftoi për të shpëtuar ekipin e Martín Demichelis.

Pas këtë goditjeje të rëndë, klubi lëshoi një deklaratë të ndier dhe plot emocion në rrjetet sociale:

"Me lot në sytë tanë dhe dhimbje në zemrat tona, sot duhet të përballemi me një goditje shumë të fortë... Kjo është arsyeja pse ne mundemi vetëm të kërkojmë falje. Është koha ta pranojmë, të ngrihemi dhe t'ia fillojmë nga e para."

Kjo rënie shokuese ngre menjëherë pikëpyetjen e madhe: a do të qëndrojë Muriqi në ligën e dytë, apo rrugët e tyre ndahen këtu?

KosovaPress