Ministri i Mbrojtjes, Ejup Maqedonci, gjatë panelit për politikat e mbrojtjes dhe sigurisë në mbledhjen e Këshillit të përgjithshëm të VV-së, ka folur mbi arsyet e shkëputjes së kontratës për furnizim me ushqim të pjesëtarëve të FSK-së.

Ai ka thënë se do të ketë një siguri në furnizimin e njësive të FSK-së me ushqim, në mënyrë që të mos ketë varësi nga operatorët.

“Njëra ndër qëllimet kryesore që ka qenë edhe i vendosur në programin e LVV-së, ka qenë që të krijohet sa më shumë vetë qëndrueshmëri në ushtri dhe vetë qëndrueshmëria në ushqim është bazike për funksionin dhe personalitetin e Forcës së Sigurisë së Kosovës. Përmes këtij koncepti, ne përveç që do të kursejmë para, do të kemi një siguri në aspektin e furnizimit të njësiteve tona me ushqim dhe do të kemi një mos varësi për elementet bazike nga operatorët, që nuk do të ishte thjesht në gjendjen normale, por nuk mund të planifikohet që të bëhet kur kemi operacione dhe luftime”, ka thënë Maqedonci.