Maqedonci në Berlin, diskutohet avancimi i bashkëpunimit me Gjermaninë në mbrojtje
Lajme
Lexohet për: 1 min.
Dëgjoje me zë...
Maqedonci në Berlin, diskutohet avancimi i bashkëpunimit me Gjermaninë në mbrojtje
Ministri i Mbrojtjes i Kosovës, Ejup Maqedonci, në kuadër të vizitës zyrtare në Gjermani, u takua me sekretarin parlamentar të Shtetit në Ministrinë Federale të Mbrojtjes, Nils Schmid.
Në fokus të takimit ishte avancimi i bashkëpunimit në fushën e sigurisë dhe mbrojtjes si dhe mbështetja e vazhdueshme e Gjermanisë për zhvillimin e kapaciteteve të Forcës së Sigurisë së Kosovës. U vlerësua gjithashtu roli i Gjermanisë në kuadër të misionit të KFOR-it.
U diskutua edhe për mundësitë e zgjerimit të bashkëpunimit në industrinë e mbrojtjes, rritjen e ndërveprueshmërisë dhe realizimin e programeve të përbashkëta të trajnimit.
“Shpreha mirënjohjen e thellë për përkrahjen e vazhdueshme dhe rolin konstruktiv të Gjermanisë, duke ritheksuar përkushtimin tonë për forcimin e partneritetit strategjik, zhvillimin sipas standardeve të NATO-s dhe kontributin e përbashkët në ruajtjen e paqes dhe stabilitetit rajonal”, tha ministri Maqedonci.
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
