Majorja Vjollca Hoti ka përfunduar me sukses trajnimin prestigjioz në FBI National Academy në Quantico, në Shtetet e Bashkuara të Amerikës.

Sipas një njoftimi të Policia e Kosovës, ky program konsiderohet ndër më të avancuarit për zyrtarë të lartë të zbatimit të ligjit dhe përfshin fusha si lidershipi, menaxhimi strategjik, teknikat bashkëkohore hetimore dhe bashkëpunimi ndërkombëtar në luftimin e krimit.

Sipas njoftimit, përfundimi i këtij trajnimi nga majorja Hoti përbën një vlerë të shtuar për Policia e Kosovës, duke sjellë përvoja dhe njohuri që pritet të ndikojnë në forcimin e kapaciteteve operacionale dhe avancimin e praktikave moderne të policimit.

Majorja Hoti ka mbi 25 vjet përvojë pune në këtë institucion, ku ka mbajtur pozita të rëndësishme në fushën operacionale dhe ka udhëhequr njësi policore në situata sfiduese, duke kontribuar në ruajtjen e rendit dhe sigurisë publike.

Në njoftim theksohet se kjo arritje reflekton përkushtimin e vazhdueshëm për zhvillim profesional dhe bashkëpunim ndërkombëtar.

Policia e Kosovës ka shprehur mirënjohje ndaj Shtetet e Bashkuara të Amerikës, Ambasada e SHBA-së në Kosovë, Departamenti i Drejtësisë i SHBA-së, programit DOJ-ICITAP dhe FBI për mbështetjen e vazhdueshme në ngritjen e kapaciteteve profesionale dhe forcimin e standardeve të sigurisë.

/Kosovapress/