Presidenti i Francës Emmanuel Macron planifikon t'i thotë homologut të tij amerikan Donald Trump se nuk mund të përballojë të jetë i dobët përballë kreut rus Vladimir Putin.

Macron do të vizitojë Uashingtonin të hënën e ardhshme dhe kreu francez i shtetit ka dhënë detaje mbi diskutimet që do të ketë me Trump.

"Unë do t'i them atij: "Nuk mund të jesh i dobët me presidentin Putin. Kjo nuk është marka jote tregtare, kjo nuk është në interesin tënd," tha ai gjatë një paraqitjeje direkte në platformën X në lidhje me Ukrainën dhe sigurinë evropiane.

Macron tha se Trump "po krijon pasiguri pasi ai dëshiron të arrijë një marrëveshje shpejt".

Ai shtoi se kjo pasiguri po prek Putin, i cili nuk e di se çfarë mund të bëjë më pas presidenti amerikan.

Trump do të presë liderët e Francës Emmanuel Macron dhe Britanisë së Madhe Keir Starmer të hënën dhe të enjten në Uashington.

Vizitat vijnë pasi Trump vazhdon të frenojë kërcënimin e tarifave ndaj mallrave të BE-së, duke pretenduar se deficiti tregtar midis bllokut dhe SHBA-së ka qenë "shumë i padrejtë".