Japonezja, Natsumi Tsunoda fitoi medaljen e artë në xhudo në kategorinë deri në 48 kilogramë për femra në Lojërat Olimpike të Parisit sot, ndërsa Yeldos Smetov nga Kazakistani fitoi medaljen e artë në kategorinë deri në 60 kilogramë për meshkuj.

Luka Mkheidze i Francës mori medaljen e argjendtë pasi u mposht nga Smetov, ndërsa Ryuju Nagayama nga Japonia dhe Francisco Garrigos i Spanjës fituan më parë medaljet e bronzta, raporton KosovaPress.

Në kategorinë ekstra të lehtë për femra, Baasankhuu Bavuudorj e Mongolisë mori medaljen e argjendtë pas humbjes së saj ndaj Tsunoda.

Shirine Boukli e Francës fitoi medaljen e bronztë si nikoqire duke mposhtur spanjollen Laura Martínez Abelenda.

Suedezja Tara Babulfath fitoi gjithashtu një medalje të bronztë pasi mposhti Abiba Abuzhakynova të Kazakistanit.