Kryeministri i Kosovës, Albin Kurti, tha se Gjykata Kushtetuese në Maqedoninë e Veriut duhet të marrë vendim të drejtë për Ligjin për gjuhët “ku s’ka diskriminim dhe as përjashtime për shqiptarët”. Mirëpo, sipas tij, në Maqedoni të Veriut s’mund të thuhet se gjuha shqipe ka qenë gjuhë zyrtare dhe se tash po rrezikohet, “pasi tri dispozitat e ligjit që janë kontestuar në Kushtetuese s’janë zbatuar në të kaluarën”.

Kurti, pas mbledhjes ndërqeveritare me Maqedoninë së Veriut, tha se dallimet ndëretnike nuk shkaktojnë më konflikt në Ballkanin Perëndimor.

Ai në konferencë për media së bashku me homologun e tij maqedonas, Hristijan Mickoski, theksoi nevojën e thellimit të bashkëpunimit ndërmjet Kosovës dhe Maqedonisë së Veriut.

Krahas marrëveshjeve të arritura, Kurti tha se edhe ndërtimi i tunelit që lidhë Prizrenin me Tetovën do të fillojë së shpejti.

I pyetur për rastin “Mostra”, Kurti tha se ministrat e Drejtësisë së dy vendeve po punojnë në këtë drejtim, mirëpo shtoi se kjo çështje është më shumë ligjore që i përket gjykatave.

Ndërkaq i pyetur se kur do të ketë mbledhje të përbashkët me Shqipërinë, Kurti tha se është i gatshëm për ta mbajtur të njëjtën.

Sipas tij, 58 marrëveshjet e arritura me Shqipërinë nën mandatin e tij po zbatohen pa asnjë problem.

Lajmi i plotë në sistemin me parapagim...

https://kosovapress.com/ali-ahmeti-kerkon-veprime-qeveria-e-kosoves-mos-te-heshte-per-shqiptaret-ne-mv