Skuadra e Ferizajt ka bërë një hap të madh drejt finales së madhe të kampionatit, pasi ka triumfuar me rezultat të pastër 3-0 në ndeshjen e parë gjysmëfinale të Play-Off-it kundër Dritës.

Në duelin e zhvilluar në kuadër të Raiffeisen Superligës A për meshkuj, ferizajasit treguan një formë të lartë, duke fituar setet me shifrat 25-21, 25-19 dhe 25-22. Ndonëse Drita tentoi rivalitetin në çdo set, sidomos në të tretin, vendasit arritën të ruajnë qetësinë në momentet vendimtare për të siguruar fitoren e parë në këtë seri.

Rivaliteti i fortë i treguar në parket premton një përballje po aq emocionuese edhe në takimin e kthimit, ku do të përcaktohet fati i finalistit të parë.