Bashkatdhetarët sot e nesër mund të vizitojnë Kuvendin e Kosovës dhe të takohen me deputetët.

Gjatë vizitës së tyre, ata kanë treguar se çfarë cilat do të ishin porositë dhe rekomandimet e tyre për deputetët lidhur me punën e tyre legjislative.

Shumica nga mërgimtarët janë ankuar për infrastrukturën në kryeqytet, shëndetësinë e arsimin.

Një qytetare e cila jeton në Zvicër, Bedrije Oruglica është ankuar se fëmijët në çerdhe në Kosovë qëndrojnë të mbyllur. Përveç kësaj, çerdhet janë shumë afër rrugës.

Ndërsa, Shaqir Kosumi nga Gjermania, kishte ardhur në Kuvend për t’i shpjeguar fëmijëve historinë e kuvendit dhe njerëzve në pushtet.

Po ashtu, Sabrije Gashi, e cila jeton në Holandë që 31 vjet, është shprehur se nëse kishte takuar deputetët do t’ua rekomandonte që të rregullohen rrugët, arsimi dhe shëndetësia.

Edhe Hilmije Sadiku, e cila jeton në Finlandë që 32 vjet ka theksuar se deputetët duhet të angazhon më tepër në të mirë të qytetarëve të vendit.

Nga ana e deputetëve, Avni Dehari nga LVV-ja ka theksuar se mërgimtarët kanë shprehur interesim të madh për punën e institucioneve dhe zgjidhjen e problemeve me të cilat ata përballen.

Deputeti tjetër i LVV-së, Mefail Bajqinovci ka shtuar se mërgata është “motori” kryesor dhe ekonomik i vendit. Sipas tij, arsyeja pse nuk po vizitohet nga shumë bashkatdhetarë, është pasi ata nuk janë njoftuar sa duhet.

Kuvendi i Kosovës do t’i mbajë dyert e hapura për mërgimtarët edhe nesër.

Lajmi i plotë në sistemin me parapagim.