Kuvendi i Kosovës do t’i mbajë tri seanca gjatë kësaj jave. Deputetët do të mblidhen të enjten në seancë të rregullt, derisa të premten do të mbajnë dy seanca, një solemne në nderim të kongresistit Eliot Engel, i cili ndërroi jetë ditë më parë si dhe një seancë tjetër plenare.

Këto i bëri të ditura kryetarja e Kuvendit, Albulena Haxhiu, pas mbledhjes së Kryesisë, e cila tha se të enjten në rend të ditës janë disa projektligje që do të shqyrtohen në lexim të dytë, ndërkaq në seancën e së premtes do të votohen disa marrëveshje ndërkombëtare si dhe anëtarët e Bordit të RTK-së si dhe KPM-së.