Kryeministri Albin Kurti deklaroi se Kosova është e përkushtuar për marrëdhënie të mira fqinjësore. Sa i përket normalizimit të marrëdhënieve me Serbinë, ai shtoi se janë të interesuar për zgjidhje evropiane, për çka ekziston marrëveshja bazike dhe aneksi i zbatimit të saj. Pas takimit me kryeministrat, atë të Holandës dhe të Luksemburgut, shefi i ekzekutivit shtoi se kjo marrëveshje duhet të zbatohet në plotni, pa vonesa dhe pa kushte. Ndërkaq, homologët e tij thanë se në takimin e sotëm kanë shprehur brengat e tyre për ngritjen e tensioneve mes Kosovës dhe Serbisë.

Kryeministri Albin Kurti deklaroi se raportet me këto dy vende janë të shkëlqyer, ku shtoi se mbështetja e këtyre dy vendeve për zhvillim ekonomik dhe avancimin demokratik, kanë ndihmuar përmirësimin e mjedisit e biznesit.

Kurti tha se ka ftuar kryeministrin holandez për një konferencë Holandë-Kosovë për teknologji të informacionit.

Në takimin me homologët nga Holanda dhe Luksemburgu, shefi i ekzekutivit shtoi se ka kërkuar që të njëjtit të ndihmojnë për programin të NATO-s.

Kryeministri i Holandës, Mark Rutte theksoi se përfshirja me Kosovën dhe Ballkanin Perëndimor është më e afërt se kurrë.

Ai shtoi se Holanda është investitori i tretë më i madh në Kosovë.

Edhe kryeministri i Luksemburgu, Xavier Bettel theksoi se nuk janë në Kosovë për të gjykuar, por për të dëgjuar.

https://kosovapress.com/admin/%e2%80%8bkryeministri-i-holandes-dhe-i-luksemburgut-kerkojne-uljen-e-tensioneve-ne-veri/

Kryeministri i Holandës dhe Luksemburgut janë pritur me nderime shtetërore nga kryeministri Albin Kurti në aeroportin ndërkombëtar “Adem Jashari”. Të njëjtit janë takuar edhe me presidenten Vjosa Osmani.