Kryeministri i Kosovës, Albin Kurti, ka thënë se për t’u integruar rajoni ekonomikisht, kërcënimet e sigurisë duhet të ndërpriten.

Kurti gjatë tryezës në Shkup, në kuadër të samitit për Planin e Rritjes të Ballkanit Perëndimor, nënvizoi se besimi dhe marrëdhëniet e mira fqinjësore nuk ndodhin nëse liria për mallra shfrytëzohet për bartjen e municioneve.

Ai para liderëve rajonal por edhe përfaqësueseve politik nga BE-ja dhe ShBA-ja tha se anëtarësimi në Bashkim Evropian duhet të bazohet në merita.

Në anën tjetër, kryeministri i Shqipërisë, Edi Rama, tha se Plani i Rritjes së Ballkanit Perëndimor është i dobishëm, por duhet iniciativa më të shpeshta të BE-së për t’i ulur bashkë liderët rajonal, pasi sipas tij, të njëjtit mund t’i bëjnë punët pisë.

E, nikoqiri i samitit, kryeministri i Maqedonisë së Veriut, Dimitar Kovaçevski, tha se ky samit është një lehtësim për vendet rajonit që do t’i hap dyert drejt tregjeve botërore për lirinë e mallrave dhe qytetarëve.

I hapur për krijimin e tregut të përbashkët rajonal u shpreh edhe presidenti i Serbisë, Aleksandër Vuçiq.

Nga Bashkimi Evropian, drejtor i Përgjithshëm për Fqinjësinë dhe Negociatat e Zgjerimit në Komisionin Evropian, Gert Jan Koopman, theksoi se ideja e rritjes së BE-së përshpejton aderimin e vendeve të Ballkanit Perëndimor drejt bllokut dhe se qëllimi është që të dyfishohet ekonomia.

Ai u shpreh entuziast për një gjë të tillë, megjithatë, tha se vendet e rajonit nuk duhet t’i bllokojnë fqinjët e tyre, pasi nuk do të kenë mundësi për hyrje në tregun e BE-së.

Ndërkaq,ndihmës sekretari amerikan i Shtetit për Evropën dhe Euroazinë, James O'Brien, kërkoi po ashtu që vendet e Ballkanit Perëndimor nuk do të mund t’i bllokojnë fqinjët në nismën për zhvillimin ekonomik, e sipas tij, kushdo që përpiqet ta bëjë këtë, do të përballet me pasoja.

Iniciativën e konsideroi të dobishme edhe kryeministri i Malit të Zi, Milojko Spajic.

Lajmi i plotë në sistemin me parapagim...