Kurti: KFOR-i nuk duhet të jetë i heshtur ndaj rrëmbimit të tre policëve
Lexohet për: 2 min.
1 vit më parë
Linku u kopjua
Kryeministri i Kosovës, Albin Kurti ka thënë sot se KFOR-i nuk do të duhej të jetë i heshtur ndaj rrëmbimit të tre policëve të Kosovës, brenda territorit të vendit.
Kurti, duke raportuar para Kuvendit është shprehur se KFOR-i duhet të marrë përgjegjësinë efektive për ushtrimin e funksionit të saj mbrojtës, ndaj agresionit dhe shkeljes së sovranitetit territorial të Kosovës.
Megjithatë, Kurti ka potencuar se ka shprehur protestën e tij ndaj heshtjes së KFOR-it për këtë rast, derisa ka thënë se po punon për kthimin në Kosovë të tre policëve të rrëmbyer.
Kreu qeveritar ka thënë se rrëmbimi i tre policëve është një akt agresioni ndaj Kosovës.
Kryeministri ka thënë se ky rrëmbim është si shenjë hakmarrjeje ndaj arrestimit të kriminelit “Llune” në veri të Kosovës.
Ai ka shtuar se Polica e Kosovës është treguar e vetëpërmbajtur në maksimum në protestat në veri.
Lajmi i plotë është në sistemin me parapagim.
Policia e Kosovës ka deklaruar dje se tre zyrtarë kufitarë janë rrëmbyer nga forcat serbe gjatë një patrullimi në vijën kufitare në veri të Kosovës. Policia ka bërë të ditur se njësia policore ka qenë në detyrë thellë brenda territorit të Kosovës për të parandaluar shfrytëzimin e rrugëve ilegale./KosovaPress
