Kurti e Konjufca: Demaçi figurë unike dhe e rëndësishme e kombit shqiptar
Lexohet për: 1 min.
1 vit më parë
Linku u kopjua
Në pesë vjetorin e vdekjes së veprimtarit të çështjes kombëtare, Adem Demaçi kryeministri Albin Kurti i shoqëruar nga kryetari i Kuvendit të Kosovës, Glauk Konjufca kanë bërë homazhe pranë varrit të tij.
Kryeminsitri Kurti e vlerësoi Adem Demaçin si figurë unike të kombit shqiptar.
Ai tha se vepra dhe udhëzimet e Demaçit i mbushin me përgjegjësi dhe vetëbesim.
Kryetari i Kuvendit të Kosovës, Glauk Konjufca theksoi se Adem Demaçi është njëra prej figurave më të rëndësishme shqiptare që ka arritur t’i artikulojë interesat më jetike të kombit shqiptar.
Konjufca theksoi se veprimtari, Demaçi ka lënë gjurmë të pashlyeshme në historinë e vendit.
Veprimtari i çështjes kombëtare, Adem Demaçi, i njohur si Mandela i Kosovës ishte edhe simbol i rezistencës kombëtare.
Për angazhimin e tij politik, Adem Demaçi vuajti 28 vite me radhë në burgjet e Jugosllavisë. Pasi u lirua ai menjëherë vazhdoi aktivitetin e tij politik.
