Sot me fillim nga ora 15:00, do të paraqitet boksieri Ensar Badallaj në kategorinë 70 kg, në kuadër të kupës botërore të boksit për të rinj U19 “Adriatik Pearl”, që po zhvillohet në Budva të Malit të Zi.

Në një duel që pritet të jetë mjaft luftarak dhe me intensitet të lartë, duke pasur parasysh nivelin e lartë të garës dhe konkurrencën ndërkombëtare, Badallaj do të përballet me boksierin gjerman Jason Sovva.

Kjo kupë botërore ka mbledhur talentet më të mirë të boksit U19 nga vende të ndryshme të botës, duke e shndërruar “Adriatik Pearl” në një nga turnetë më prestigjioze për moshat e reja.

 “Paraqitja e Ensar Badallajt përfaqëson një moment të rëndësishëm për boksin tonë, si dhe një mundësi për të dëshmuar cilësinë dhe përgatitjen në arenën ndërkombëtare”, thuhet në njoftimin e Federatës së Boksit të Kosovës, në facebook.

Ekipi i boksit do të udhëhiqet nga trajneri Shefki Bogujevci, ndërsa drejtësinë në këtë turne do ta ndajë gjyqtari ndërkombëtar Latif Demolli.

KosovaPress