Kryetifozi i “Intelektualëve” e konfirmon sulmin nga personat e kryesisë së Dritës
Mbrëmë nëpër media qarkullonte një video ku shihej se si persona nga kryesia e klubit Drita, përfshirë këtu drejtorin sportiv, Valon Zymberi, e sulmuan fizikisht kryetifozin e grupit “Intelektualët”, Taulant Byqmeti.
Tani, këtë gjë e ka konfirmuar vetë Byqmeti, i cili përmes një reagimi në rrjetin e tij social “Facebook”, bëri të ditur se ishte sulmuar fizikisht nga persona të kryesisë së Dritës, respektivisht nga Valon Zymberi (drejtor sportiv), Faton Ramadani, Fatos Ramadani (anëtar kryesie), Ilaz Shkodra dhe Flakrim Aliu, raporton KosovaPress.
Të lartëpërmendurit sipas Byqmetit e kanë sulmuar atë me karrige dhe thika, si dhe familjarët e klientët, ndërsa përveç dëmeve fizike kanë shkaktuar edhe dëme materiale.
Po ashtu, Byqmeti bëri të ditur se pas incidentit Valon Zymberi ka tentuar që ky rast të mos bëhet e madhe përmes telefonatave, ndërsa tha se i përfshirë në rast është edhe polici i Njësisë Speciale, Fidan Kurtalani, i cili e ka fyer dhe sulmuar fizikisht në zhveshtoret e klubit kryetifozin e “Intelektualëve”.
Reagimin e plotë të tij e gjeni më poshtë.
