Kryesia cakton një seancë për të hënën, këto do të jenë pikat e rendit të ditës
Lajme
Lexohet për: 2 min.
Dëgjoje me zë...
Kryesia cakton një seancë për të hënën, këto do të jenë pikat e rendit të ditës
Foto Arkiv
Kryesia e kuvendit në mbledhjen e sotme ka caktuar një seancë plenare për datën 27 prill, për të hënën. Kështu ka njoftuar kryeparlamentarja Albulena Haxhiu, e cila tha se kjo seanca do të fillojë në orën 10:00 dhe do të adresojë disa projektligje, në mesin e tyre edhe anëtarësimin e Kosovës në Bordin e Paqes, raporton KosovaPress.
Pas mbledhjes së kryesisë, Haxhiu e cila njëherësh është edhe ushtruese e detyrës së presidentes tha se “jemi në pritje të një konsensusi sa i përket çështjes së presidentit”.
“Natyrisht nuk ka të bëjë me çështjen e presidentit, do të doja që të ishte ashtu por ende jemi në pritje të një konsensusi sa i përket çështjes së zgjedhjes së presidentit apo të presidentes së ardhshme. Më lejoni të ju njoftojë që kryesia e kuvendit vendosi që më 27 prill në orën 10:00 të ketë një seancë të re të kuvendit për t’i adresuar disa çështje që janë shumë të rëndësishme dhe në këtë drejtim është projektligji për anëtarësimin e Kosovës në Bordin e Paqes, projektligji për ratifikimin e marrëveshjes ndërmjet Republikës së Kosovës dhe Këshillit të Ministrave të Republikës së Shqipërisë për Lojërat Mesdhetare 2030. Po ashtu, projektligji për energjinë elektrike, inspektoratin qendror të trashëgimisë kulturore, emërimin e tre anëtarëve të Këshillit Shtetëror të Cilësisë dhe Agjencisë së Kosovës për Akreditim dhe propozim vendimi i qeverisë për formimin e komisionit për dhënien e provimit të jurisprodencës”, ka thënë ajo.
Në rast se vendi shkon në zgjedhje të jashtëzakonshme, Haxhiu tha se është e rëndësishme që të votohen këto projektligje.
“Në qoftë se vendi shkon në zgjedhje të jashtëzakonshme, atëherë është e rëndësishme që para saj të votohen këto çështje që janë shumë të rëndësishme për Republikën e Kosovës por edhe për interesat e qytetarëve. Sic e dini, nesër po ashtu do i kemi seanca plenare dhe pastaj seanca e së hënës”, shtoi ajo. /Sh.Pajaziti
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
