Avioni i shtatë luftarak Rafale ka mbërritur sot në Kroaci dhe deri në fund të prillit të vitit të ardhshëm do të arrijë edhe pjesa tjetër nga gjithsej 12.

Zëvendëskryeministri dhe ministri i Mbrojtjes, Ivan Anushiq, theksoi se deri në prill të vitit të ardhshëm, çdo muaj do të arrijë një avion.

“Në fund të prillit 2025, ne do të kemi të 12 avionët Rafale në Kroaci, një skuadrilje të plotë”, tha ai.

Ai theksoi se investimet më të mëdha në ushtrinë kroate filluan me blerjen e avionëve luftarakë dhe vazhdojnë me sistemet ajrore pa pilot Bayraktar, tanket Leopard 2 A8 dhe sistemi i fuqishëm raketor HIMARS.

Pajisja dhe modernizimi i ushtrisë kroate, i cili kryhet nga Qeveria e Kroacisë dhe Ministria e Mbrojtjes, forcon aftësitë e ushtrisë kroate, si dhe sigurinë kombëtare të Kroacisë, theksoi ai.

"Me një ushtri kroate të pajisur, të fortë dhe moderne, ne do të frenojmë të gjithë ata që, në kushtet e situatës së trazuar të sigurisë në botë dhe Evropë, do të synojnë të kërcënojnë integritetin territorial kroat," tha Anushiq.

Komandanti i Forcave Ajrore Kroate, gjeneralmajor Michael Krizhanec, theksoi se integrimi i avionëve Rafale po vazhdon sipas planit dinamik dhe “tregon qartë vendosmërinë dhe gatishmërinë për t’u përballur me të gjitha sfidat e ardhshme”.