Ylli holandez i patinazhit të shpejtë, Jutta Leerdam, ka thyer një tjetër rekord, këtë herë jashtë pistës së akullit, pasi kostumi i saj i garave u shit në ankand për shifrën mahnitëse prej 230,000 dollarësh.

Sipas Daily Mail, veshja portokalli me të cilën 27-vjeçarja fitoi medaljen e artë dhe atë të argjendtë në Milan-Cortina 2026, u ble nga një fans holandez në platformën MatchWornShirt. Kjo shitje ka thyer rekordin e mëparshëm të mbajtur nga Cristiano Ronaldo, ndërsa pjesa më e madhe e fitimeve do të shkojë për klubin e saj të parë, IJsvereniging Pijnacker, për të mbështetur talentet e reja.

Përtej suksesit sportiv, Leerdam u kthye në qendër të vëmendjes mediatike pas një momenti viral ku zbërtheu kostumin pas garës, veprim që raportohet se i siguroi asaj një kontratë përfitimi prej 1 milion dollarësh me kompaninë Nike. Megjithatë, jo të gjithë e kanë pritur mirë famën e saj; kritiku Johan Derksen e ka cilësuar sjelljen e saj si "divë", duke përmendur udhëtimet me avion privat dhe mungesën në ceremoninë hapëse.

Pavarësisht polemikave, imazhi i saj mbetet një nga më të fuqishmit në sportin botëror, i ndihmuar edhe nga lidhja e saj me boksierin dhe personalitetin e njohur, Jake Paul.

KosovaPress