Kombëtarja U17 e Kosovës në hendboll ka mësuar kundërshtarët për fazën kualifikuese të Kampionatit Evropian që do të mbahet vitin e ardhshëm. Shorti ka vendosur Kosovën në një grup së bashku me Maqedoninë e Veriut, Lituaninë dhe Greqinë.

Turneu kualifikues do të zhvillohet nga 27 deri me 29 nëntor të këtij viti, ndërsa ndeshjet e këtij grupi pritet të organizohen në Maqedoninë e Veriut. Ky format i shkurtër garash premton përballje intensive brenda tri ditëve, ku çdo pikë do të jetë vendimtare.

Ky Evropian për Kosovën pritet të jetë një shans i mirë, duke shpresuar që të arrijë një sukses historik dhe të sigurojë kualifikimin në Evropian.