Në raundin e fundit të negociatave në Stokholm për tri ditë me radhë, ekipet negociuese të Kosovës dhe Suedisë kanë negociuar dhe finalizuar tri marrëveshje për bashkëpunim juridik ndërkombëtar.

Ministria e Drejtësisë njofton se bëhet fjalë për marrëveshjen për ndihmë të ndërsjellë juridike në çështje penale, atë për transferim të personave të dënuar, si dhe marrëveshjen për ekstradim.

Marrëveshjet do t’i shërbejnë forcimit të bashkëpunimit ndërmjet dy vendeve dhe lehtësimit të procedurës ligjore në fushën e ndihmës juridike, dhe rritjen e rezultateve të luftës ndaj krimit transnacional dhe forcimit të shtetit të Kosovës.