Konfirmohet, Insigne do t’i bashkohet klubit amerikan
Skuadra nga Liga e Amerikës (MLS) Toronto e ka konfirmuar sot se ka arritur marrëveshje me Napolin për transferimin e sulmuesit Lorenzo Insigne.
Anësori italian do t’i bashkohet Torontos si lojtar i lirë më datën 1 korrik të këtij viti, ku ka nënshkruar kontratë katër vjeçare me skuadrën amerikane, përcjell KosovaPress.
Siç raportohet, Insigne do të përfitojë pagë prej 11,5 milionë eurosh në vit te Toronto, pa përfshirë këtu bonuset.
“Kjo është një ditë emocionuese dhe historike për klubin tonë. Lorenzo është një sulmues i nivelit botëror në pikën më të mirë të karrierës. Ai ishte një kampion evropian me Italinë dhe ka treguar gjithmonë cilësitë e tij me Napolin”, tha presidenti i Torontos Bill Manning.
“Lorenzo ka talentin për të ndryshuar ndeshjen. Ai luan me shumë gëzim dhe pasion, dhe tifozët tanë do të kënaqen kur ta shohin atë si pjesëtarë të klubit tonë”, tha Insigne.
Kapiteni i Napolit ka bërë 416 paraqitje për klubin italian në të gjitha garat, duke regjistruar 114 gola mbi emrin e tij, kurse në këtë sezon Insigne ka regjistruar pesë gola në 19 ndeshje.
Postimin e Torontos e gjeni më poshtë.
