Komuna e Obiliqit ka ndarë çmimet e mirënjohjes publike për angazhim qytetar dhe për zyrtarin e dalluar komunal. Ky proces është realizuar për herë të parë, ku u tha se do të vazhdojë edhe më tutje në këtë komunë me mbështetjen e USAID-it.

Zelushe Kelmendi, Fitim Sadiku e Basri Dubova kanë qenë fituesit e çmimit vjetor për angazhim qytetar. Ndërkaq, Daut Mjeku, Drita Hashani dhe Valmira Brahimi janë shpërblyer me çmimin vjetor për zyrtarin e dalluar komunal. 

Kryetari i Obiliqit, Xhafer Gashi ka falënderuar të gjithë zyrtarët komunal, për të cilët tha se secili meriton të shpërblehet.  

Po ashtu, Gashi theksoi se ky vit ka qenë i suksesshëm për Komunën e Obiliqit.

Ndërkaq, kryetari i komisionit Hajriz Bekteshi theksoi se ky proces ka qenë fillestar për Komunën e Obiliqit, por që janë komuna e parë që kanë arritur rezultate fillestare.

Me vendim të kryetarit të komunës është formuar komisioni për çmimin vjetor për angazhim qytetar dhe çmimin vjetor për zyrtarin e dalluar komunal. Ky proces është realizuar për herë të parë, ku u tha se do të vazhdojë edhe më tutje në Obiliq. /A.Zogaj

Lajmi i plotë në sistemin me parapagim...