Komisioni për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione sot do ta mbajnë mbledhjen në ora 11:00.

Sipas njoftimit të Kuvendit, ko mbledhje do të vijoj vetëm me një pikë të rendit të ditës, ku anëtarët e këtij komisioni do të zhvillojnë takim me gratë greviste – punëtore teknike në Kuvendin e Kosovës.

Ndryshe punëtoret teknike të Kuvendit të Kosovës, të cilat kanë mbajtur grevë për tre muaj me kërkesën për rritjen e pagave dhe kushte më të mira pune, janë përballur me zëvendësim të menjëhershëm nga punëdhënësi.

Punëtoret teknike të cilat ishin rrëfyer për KosovaPress kanë thënë se kompania nuk i ka informuar ende punëtorët se a do u vazhdohet kontrata e punës, duke shtuar se nuk po u lejohet as në oborr të Kuvendit të qëndrojnë.

Punëtoret teknike të Kuvendit të Kosovës kanë kërkuar tash e tre muaj që të rriten pagat nga 275 euro në 550 euro.

https://kosovapress.com/shkelje-ligjore-punetoret-teknike-te-kuvendit-zevendesohen-nga-kompania-pa-paralajmerim