KOMF: Fëmijët nuk janë mjet për promovim të subjekteve politike
Drejtat Autoriale
Lexohet për: 1 min.
Dëgjoje me zë...
KOMF: Fëmijët nuk janë mjet për promovim të subjekteve politike
Koalicioni i organizatave joqeveritare për mbrojtjen e fëmijëve KOMF reagoi ndaj përfshirjes së fëmijët në fushatë zgjedhore, duke i bërë thirrje Komisionit Qendror të Zgjedhjeve të ndërmarrë masat përkatëse.
“Përkundër thirrjeve të KOMF për të mos përfshirë dhe shfrytëzuar fëmijët në aktivitetet e fushatës zgjedhore, subjektet politike po vazhdojnë t’i përfshijnë fëmijët në aktivitete politike.
KOMF rithekson se përfshirja dhe shfrytëzimi i fëmijëve për qëllime politike përbën shkelje të të drejtave të fëmijëve, cenon dinjitetin dhe mirëqenien e tyre, si dhe është në kundërshtim me parimin e interesit më të mirë të fëmijës.
KOMF i bën thirrje Komisionit Qendror të Zgjedhjeve të monitorojë në mënyrë aktive aktivitetet e subjekteve politike dhe, në çdo rast kur konstatohet përfshirja ose shfrytëzimi i fëmijëve në fushatë zgjedhore, të ndërmarrë masat përkatëse në përputhje me legjislacionin në fuqi”, thuhet në reagimin e Koalicionit të organizatave joqeveritare për mbrojtjen e fëmijëve KOMF.
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
