Komiteti Olimpik i Kosovës (KOK) ka qenë ka mbajtur një takim të rëndësishëm me Komisionin e Grave në Sport të Komitetit Ndërkombëtar të Lojërave Mesdhetare (ICMG).

Qëllimi i këtij takimi ishte lansimi i projektit të ri katërvjeçar (2026–2030) për krijimin e një baze të të dhënave mbi barazinë gjinore në të gjitha vendet anëtare të ICMG-së. Takimi nisi me një minutë heshtje për të nderuar ish-presidentin e ICMG-së, Davide Tizzano, i cili u nda nga jeta në dhjetor të vitit të kaluar.

Në këtë takim morën pjesë krerët e KOK-ut, Ismet Krasniqi dhe Besim Aliti, si dhe sekretari i përgjithshëm i ICMG-së, Iakovos Filippousis. Rejhan Halili, zëvendëspresidente e komisionit, theksoi se ky projekt synon forcimin e rolit të grave në sport në të gjithë rajonin mesdhetar. Përveç bashkëpunimit për projektin, sekretari Filippousis shfrytëzoi rastin për të ftuar zyrtarisht drejtuesit e KOK-ut për pjesëmarrje në Lojërat Mesdhetare Taranto 2026.

KosovaPress