Klinaku: Politikani i Kosovës që merr anë për zgjedhjet në SHBA, e ka për qëllime personale
Ushtruesi i Detyrës së kryetarit të Organizatës së Veteranëve të UÇK-së, Faton Klinaku, ka theksuar se një politikan i Kosovës që merr anë në zgjedhjet në Shtetet e Bashkuara të Amerikës, sipas tij ‘e ka për qëllime personale’.
Klinaku këtë reagim e ka bërë në Facebook, pas pjesëmarrjes së kryeministrit të Kosovës, Albin Kurti në Konventën e Demokratëve në Amerikë.
“Politikani i Kosovës që merr anë për zgjedhjet në Amerikë, e ka për qëllime të tij personale. Shqiptarët që jetojnë atje duhet që të mos e dëgjojnë atë, por ta shohin vetëm interesin e tyre”, ka shkruar Klinaku në Facebook.
Ndryshe, kryeministri Albin Kurti, është duke qëndruar në Shtetet e Bashkuara, i cili ka marrë pjesë në Konventën Kombëtare Demokratike në Çikago.
https://kosovapress.com/hoti-kritikon-kurtin-vendi-nen-sanksione-e-kercenime-nga-shba
https://kosovapress.com/haxhiu-i-pdk-se-fotoja-e-kurtit-tregon-pozicionin-e-tij-me-shba-te-qendron-ne-rreshtat-e-fundit
