Kimi Antonelli ka shënuar një fitore historike në Çmimin e Madh të Kinës 2026, duke u bërë fituesi i dytë më i ri në historinë e Formula 1 në moshën 19-vjeçare.

Piloti i Mercedesit dominoi garën në Shangai, ndërsa Lewis Hamilton festoi podiumin e tij të parë me Ferrarin pas 477 ditësh pritjeje, duke mposhtur shokun e skuadrës Charles Leclerc në një duel të fortë.

Hamilton u shpreh i lumtur për këtë arritje, duke deklaruar për Daily Mail se: "Shpresoj të ketë qenë një garë emocionuese për t’u parë, sepse ishte fantastike me makinë. Më dukej sikur po garoja me go-kart, vajtje-ardhje.", duke konfirmuar se ndihet sërish në formën e tij më të mirë fizike dhe mentale.

Nga ana tjetër, gara u shoqërua me polemika të ashpra nga kampioni në fuqi Max Verstappen, i cili u detyrua të tërhiqej për shkak të një defekti në motor.

Jonathan McEvoy, pasqyroi irritimin e holandezit ndaj rregulloreve të reja hibride, të cilat ai i krahasoi me lojërat elektronike. "Është e tmerrshme. Nëse dikujt i pëlqen kjo, atëherë ai nuk e di vërtet se për çfarë bëhet fjalë në gara. Nuk është aspak argëtuese. Është Mario Kart.", u shpreh Verstappen i revoltuar, ndërkohë që dita ishte katastrofike edhe për ekipin McLaren, me Lando Norris dhe Oscar Piastri që nuk arritën as të niseshin nga vendi për shkak të problemeve elektrike.

KosovaPress